All d'Lëtzebuerger mussen ee Mol am Mount e Quiz iwwer d'Cybersécherheet maachen

Déi ëffentlech Petitioun Nr. 3378 ka vum 25-10-2024 un ënnerschriwwe ginn

Deklaratioun vun der Recevabilitéit

D'ëffentlech Petitioun Nr. 3378 gouf den 24-10-2024 vun der Presidentekonferenz als recevabel deklaréiert.

Recevabilitéit: recevabel

Ufank vun der Kollekt vun Ënnerschrëften : 25-10-2024 um 0h00

Schluss vun der Kollekt vun Ënnerschrëften : 05-12-2024 um 23h59

Den Avis vun der Petitiounskommissioun vum 23-10-2024 iwwert d'ëffentlech Petitioun Nr. 3378 ass positiv

Avis vun der Petitiounskommissioun: positiv

D'ëffentlech Petitioun Nr. 3378 gouf den 01-10-2024 deposéiert.

Titel vun der Petitioun: All d'Lëtzebuerger mussen ee Mol am Mount e Quiz iwwer d'Cybersécherheet maachen

Zil vun der Petitioun: Den Zil vun dëser Petitioun ass dozou bäizedroen datt all d'Lëtzebuerger iwwer d'Cybersécherheet opgeklärt ass an sech am Internet sécher verhält.

Motivatioun vum generellen Interesse vun der Petitioun: Doduerch, datt d'Digitalisatioin ëmmer méi zouhëllt, ass et vun ëmmer méi grousser Bedeitung, datt eis Natioun sécher virun Cyberugrëffer ass. Dëst ass nëmmen dann ze erreechen, wann all lëtzebuerger Bierger sech all den Geforen am Netz bewosst ass an déi néideg Moossnamen dogéint ergräift.

Dofir proposéiert dës Petitioun, datt jiddereen, deen zu Lëtzebuerg wunnt, an déi lëtzebuerger Nationalitéit huet, dozou verpflicht ass, ee Mol am Mound e Quiz vun ongeféier 10 Frown iwwer d'Cybersécherheet auszefëllen an an déi respektiv Instanzen eranzeschécken.