Petitionnär/in: Philippe LEMAIRE

Entlaaschtung vun der Verkéiersinfrastruktur duerch Förderung vum Télétravail / Améliorer l'état du trafic routier par la promotion du télétravail

Zil vun der Petitioun

Des Petitioun fuerdert de Staat dozou op, ëffentlech a privat Arbeitgeber duerch verschidden Ureizer dozou ze bréngen, Aarbechtskräften, déi haaptsächlech um Computer an/oder um Telefon schaffen, zum Deel vun doheem aus schaffen ze loossen.

Motivatioun vun der Petitioun

Wann zum Beispill en Deel vum den Employéen a Fonctionnaire just nach 3 vu 5 Deeg op de Büro kommen misst wär vill manner Trafic op de Stroossen a manner Accidenter. Et géif och ökologesch gesinn e groussen Ënnerscheed maachen, d’C02 Bilanz vu Lëtzebuerg wier besser. D'Präisser vun den ... méi Wann zum Beispill en Deel vum den Employéen a Fonctionnaire just nach 3 vu 5 Deeg op de Büro kommen misst wär vill manner Trafic op de Stroossen a manner Accidenter. Et géif och ökologesch gesinn e groussen Ënnerscheed maachen, d’C02 Bilanz vu Lëtzebuerg wier besser. D'Präisser vun den Immobilie géifen och zu engem gesonde Moos erofgoen well d'Frontaliere manner oft op Lëtzebuerg komme missten. Doduerch kéinte jonk Leit sech erëm éischter eng Wunneng zu Lëtzebuerg leeschten a manner staatlech Ënnerstëtzung fir bezuelbare Wunnraum wier néideg. Ausserdeem erlaabt Télétravail Lëtzebuerg e staarke Wuesstem well Leit, déi vun doheem aus schaffen, keng physesch Plaz zu Lëtzebuerg brauchen. D'Ureizer vum Staat kéinte finanziell Entlaaschtungen vu Firme sinn déi Télétravail fërderen, Formatiounen an dem Beräich oder Stéierentlaschtungen. De Staat sollt allerdéngs just den Télétravail fërderen wou Employéen a Fonctionnairen nach op d'mannst d'Halschent vun der Zäit um Büro si missten well ansonsten riskéiert een en héige Chômage zu Lëtzebuerg well zum Beispill Lëtzebuerger Aarbechtskräften duerch indesch Aarbechtskräften ersat gi kéinten.  ... manner