Schülerinnen a Schüler raus aus dem Beruffstraffic! Lycéeën eng Stonn méi spéit ufänke loossen

Zil vun der Petitioun

D'Lycéeë sollen am ganze Land Moies eng gutt Stonn méi spéit ewéi aktuell ufänken.

Motivatioun vun der Petitioun

Ee vun de gréisste Problemer am Effentlechen Transport zu Lëtzebuerg ass, datt während der sougenanntener Rushhour virun 8 Auer net genuch Kapazitéite fir jiddereen, deen dovunner profitéiere wëll, do sinn. Eng Méiglechkeet fir dës Rushhour méi ausenaner ze zéien an domadder méi Plaz fir jiddereen ze schafen ass et, d‘Lycéeën eng Stonn méi spéit, also géint 9 ufänken ze loossen, esou datt di allermeescht Schülerinnen a Schüler réischt no 8 Auer op den Effentlechen Transport ugewisse sinn. Nieft dësem prakteschen Notzen am Effentlechen Transport hätt ee méi spéide Schoulufank bei Lycéesschülerinnen a Schüler awer och nach ee positiven Effekt op hir Leeschtungsfäegkeet, wann een enger ganzer Reih vun Etuden am Ausland Vertraue schenkt. Esou fuerdert beispillsweis d‘„Deutsche Gesellschaft für Schlafforschung und Schlafmedizin“, baséierend op dëse Studien, ee méi spéide Schoulstart fir Jugendlecher.

Dës Petitioun huet net de Seuil vu 4.500 Ënnerschrëften erreecht. No Récksprooch mam Petitionär, gouf d'ëffentlech Petitioun an eng einfach Petitioun ëmgewandelt. Ëffentlech Petitioun uweisen.

D’Etappe vun dëser Petitioun

04.10.2018

Deklaratioun vun der Cloture

03.10.2018

D'einfach Petitioun Nr. 911 ass den 03-10-2018 ofgeschloss ginn

Motivatioun vun der Cloture: pas de suite réservée par le pétitionnaire à la prise de position du ministre

31.07.2018

Weiderleedung un de Petitionär

24.07.2018

Eng Stellungnam iwwert d'einfach Petitioun Nr. 911 ass disponibel, den 24-07-2018

Minister(en): Monsieur Claude Meisch, Ministre de l'Education nationale, de l'Enfance et de la Jeunesse

06.03.2018

Eng Stellungsnam ass den 06-03-2018 iwwert d'einfach Petitioun Nr. 911 ugefrot ginn