Eng Petitioun areechen - D’Petitiounen
Eng Petitioun areechen
Introduktioun
Eng Petitioun ass en Uleies, dat un d’Chamber geriicht ass. All Persoun, déi am Nationalen Regëster vu physesche Persounen (RNPP) erfaasst ass an op d'mannst 15 Joer huet, kann eng Petitioun areechen. Et gëtt zwou Zorte vun Petitiounen: déi ëffentlech Petitiounen an déi einfach Petitiounen.
Sprooch vun de Petitiounen
D’Petitioun muss an enger vun den 3 Amtssprooche verfaasst ginn: op Lëtzebuergesch, op Franséisch oder op Däitsch.
Et ass méiglech, Iwwersetzunge bäi ze setzen.
Wéi reecht een eng Petitioun an?
Online Versioun
Dir braucht en Accès op den eAccess, fir Är Petitioun kënnen elektronesch anzereechen.
Sech iwwer e LuxTrust Produkt (Kaart, Signing Stick) oder eng eID-Kaart verbannen
Iwwer e mobillen Apparat an iwwer d’App GouvID verbannen
Mat der digitaler Identitéit vun engem aneren europäesche Land verbannen
Pabeier Versioun
Wann Dir keen Outil hutt, fir den eAccess ze benotzen, kënnt Dir Äre Formulaire mat enger beglaubegter Ënnerschrëft per Post schécken oder perséinlech an der Chamber ofginn. Dofir misst Dir virdrun e Rendez-vous fixéieren a beim Rendez-vous Är Identitéitskaart weisen.
Fëllt heifir de richtege Formulaire aus: